މި މަހުގެ ފަސް ވަނަ ދުވަހު ހައްޔަރު ކުރި އުއްތަމަފަނޑިޔާރު އަބްދުﷲ ސައީދުއާ މިއަދު ފުލުހުން ސުވާލު ކުރާނެކަން އަންގާފައިވާ ކަމަށް އެ މަނިކުފާނުގެ ޤާނޫނީ ވަކީލު ޙިސާން ހުސައިން ވިދާޅުވެއްޖެ އެވެ.
އޭނާ ކުރެއްވި ޓްވީޓެއްގައި ވިދާޅުވީ "ޣައިރު ޤާނޫނީ ބަންދެއްގައި ހުންނަވާތާ ހަތަރު ދުވަސް ފަހުން އުއްތަމަފަނޑިޔާރު އަބްދުﷲ ސަޢީދާ ފުރަތަމަ ފަހަރަށް ސުވާލު ކުރެވޭނެކަން ފުލުހުން ވަނީ އަންގާފައި،" ކަމަށެވެ.
After being held in an unconstitutional custody for 4 days, police informs Cheif Justice Uz. Abdulla Sayeed will be questioned today for the first time. #MaldivesSupremeCourt #ConstitutionalCrisis
— Hisaan ؟? (@hisaanhussain) February 10, 2018
އުއްތަމަފަނޑިޔާރު ކުއްލި ގޮތަކަށް ހައްޔަރުކޮށްފައި ވަނީ ނުރައްކަލުގެ ޙާލަތު އިއުލާން ކުރުމަށް ފަހު އެވެ.
ކުއްލި ޙާލަތު އިއުލާން ކުރުމަށް ފަހު ކޯޓު އަމުރަކާ ނުލައި އުއްތަމަފަނޑިޔާރު އަބްދުﷲ ސަޢީދާއި ފަނޑިޔާރު އަލީ ޙަމީދު ހައްޔަރުކޮށްފައި ވަނީ ސުޕްރީމް ކޯޓު ތެރެއަށް ފުލުހުންނާއި ސިފައިން ގަދަކަމުން ވަނުމަށް ފަހު އެވެ.
އަބްދުﷲ ސަޢީދު ހައްޔަރުކޮށްގެން ގެންދިޔައީ ބިންމަތީގައި ދަމާ ކޫއްތާފައި ކަމަށް އެމަނިކުފާނުގެ ވަކީލުން ވިދާޅުވެފައިވެ އެވެ. އަދި އެ މަނިކުފާންގެ މައްޗަށް ވަނީ ބޮޑެތި ތުހުމަތުތަކެއްކޮށްފަ އެވެ.