މިމަހުގެ 16 ވަނަ ދުވަހު ފަސްޓް ލޭޑީ ފާތިމަތު އިބްރާހިމް އައްޑޫ ސިޓީއަށް ވަޑައިނުގަންނަވާނެ ކަމަށް އެކަމަނާގެ ކެމްޕެއިން އޮފީހުން ބުނެފިއެވެ.
'އައްޑޫލައިވް' އަށް މައުލޫމާތު ދެމުން މެޑަމް ފާތުން ކެމްޕެއިން އޮފީހުގެ އޮފިޝަލަކު ބުނި ގޮތުގައި، ހުކުރު ދުވަހު މެޑަމް ފާތުން އައްޑޫ އަށް ވަޑައިނުގަންނަވާނެއެވެ. އޮފިޝަލް ބުނި ގޮތުގައި މެޑަމް ފާތުންގެ ދަތުރުފުޅު ފަސްކުރެއްވީ ކަމަށާއި އަދި ފަހުން އައްޑޫއަށް ވަޑައިގަންނަވާނެ ކަމަށެވެ.
އެހެން ނަމަވެސް ދަތުރުފުޅު ފަސްކުރެއްވި ސަބަބެއް މެޑަމް އޮފީހުގެ އޮފިޝަލް ހާމައެއް ނުކުރެއެވެ.
އޮފިޝަލް ބުނިގޮތުގައި މިހާރު ރޭވިފައިވާ ގޮތުން "ފަހަރެއްގައި މިމަހުގެ 23 ވަނަ ދުވަހު މެޑަމް އައްޑޫއަށް ވަޑައިގަންނަވާނެ" ކަމަށެވެ.