ދިވެހި ޖުމްހޫރިއްޔާގެ ޤާނޫނު އަސާސީ އާއި ކަނޑައެޅިގެން ޚިލާފަށް، ކުއްލި ނުރައްކަލުގެ ޙާލަތު އިތުރު 30 ދުވަހަށް ދިގުދަންމާލަން ރައްޔިތުންގެ މަޖިލީހުން ފާސްކޮށްފިއެވެ.
މިގޮތަށް ފާސް ކޮށްފައި މިވަނީ މިއަދު ހަވީރު ދައުރުން ބޭރުން ބޭއްވި ޚާއްޞަ ޖަލްސާގައި 40 މެންބަރުން ބައިވެރިވެ ވޯޓު ދިން 38 މެންބަރުންގެ އިއްތިފާގުންނެވެ.
މަޖިލީހުން މިގޮތަށް ފާސްކުރި ނަމަވެސް، މިއީ ދިވެހިޖުމްހޫރިއްޔާގެ ޤާނޫނު އަސާސީ ބުނާގޮތުން ދިވެހި ރައްޔިތުން ޢަމަލުކުރުން ލާޒިމެއް ނުވާނެއެވެ.
ޤާނޫނު އަސާސީގެ 87 ވަނަ މާއްދާގެ (ށ) ގައި ބުނެފައި ވަނީ ރައްޔިތުން އެމައްޗަށް ޢަމަލް ކުރަން ޖެހޭ ކޮންމެ އެއްޗެއް ފާސްކުރުމަށްޓަކައި ނަގާ ވޯޓު މަޖިލީހުގައި ނަގާއިރު މަޖިލީހުގެ މެންބަރުންގެ ދެބައިކުޅަ އެއްބައި މެންބަރުންނަށް ވުރެ މަދު ނޫން އަދަދަކަށް މެންބަރުން މަޖިލީހުގައި ތިބެ، އެވޯޓުގައި ބައިވެރިވާން ޖެހޭނެ ކަމަށެވެ.