އާމިރް ހާން ހިމަނައިގެން ގެނެސް ދިން ކާމިޔާބް ފިލްމް "ތަލާޝް" އަށް ފަހު ޑައިރެކްޓަރު ރީމާ ކަތުގީގެ އާ ފިލްމްގެ ބަތަލަކަށް ފަރްހާން އަހުތަރު ހަމަޖައްސައިފި އެވެ.
ފިލްމްގެ ނަން އަދި ހާމަކޮށްފައި ނުވި ނަމަވެސް އެ ފިލްމްގައި ފަރްހާން ފެނިގެން ދާނީ އެއް ފަހަރާ ފަސް އަނބިން ގެންގުޅޭ ޕޮލިގަމީއެއްގެ ރޯލުންނެވެ.
ފިލްމުގެ ވާހަކަ އާ ބެހޭ ގޮތުން ވާހަކަ ދައްކަމުން ރީމާ ބުނީ މިއީ އޭނާގެ ގާތް ރައްޓެއްސެއްގެ ހަޔާތުން ލިބުނު ފިލާވަޅެެއްގެ މައްޗަށް ބިނާކޮށް ހަދާ ފިލްމެއް ކަމަށެވެ. ފިލްމްގެ ސްކްރިޕްޓްގެ މަސައްކަތް މިހާރު ވަނީ ފަށައިފަ އެވެ. އެހެން ނަމަވެސް ފިލްމްގެ ޝޫޓިން ފަށާނެ ދުވަހެއް އަދި ނިންމައިފައެއް ނުވެ އެވެ.
ފަރްހާން މިހާރު އުޅެނީ އަންނަ އަހަރު ރިލީޒްވާ އޭނާގެ އާ ފިލްމް "ބާގް މިލްކާ ބާގް" މަސައްކަތުގައި ބިޒީކޮށެވެ.
