އައްޑޫ ސިޓީގެ ރައްޔިތުންގެ ތާއީދު ރައީސް އަބްދުﷲ ޔާމީންގެ ސަރުކާރަށް ނެތުމަކީ އެ ރައްޔިތުންނަށް އަނިޔާކުރަން ޖެހޭނެ ކަމެއް ނޫން ކަމަށް އައްޑޫގެ މޭޔަރު އަބްދުﷲ ސޯދިޤް (ސޯބެ) ވިދާޅުވެއްޖެއެވެ.
ސޯބެ މިހެން ވިދާޅުވެފައި ވަނީ ހިތަދޫގައި އިދކޮޅު ފަރާތްތަކުން ބޭއްވި އެއްވުމެއް ރޫޅާލުމުގައި ފުލުހުން ބާރުގެ ބޭނުންކޮށް ބައެއް މީހުން ހައްޔަރުކޮށްފައިވަނިކޮށެވެ.
ހިތަދޫގައި ބޭއްވި މުޒާހަރާ ރޫޅާލުމުގެ ތެރޭގައި މުޒާހަރާގެ އަންހެން ބައިވެރިޔަކު މަގުމައްޗަށް ވެއްޓި ކޮންމެވެސް ވަރަކަށް އަނިޔާވެފައި ވެއެވެ.
އިދިކޮޅު ފަރާތްތަކުން މިއަދު ހިތަދޫގައި ބޭއްވި އެއްވުމުގެ ތެރެއިން ހައްޔަރުކޮށްފައި ވަނީ ހިތަދޫ ދެކުނު ދާއިރާގެ ކައުންސިލަރ ޔަސްރިފް، އެމްޑީޕީ ހިތަދޫ މެދު ދާއިރާގެ ނައިބު ރައީސް މޫސަ، އެމްޑީޕީ އައްޑޫ ދާއިރާގެ ނައިބް ރައީސް އިބުރޭ ވަނީ ހައްޔަރުކޮށްފައެވެ.