ސަރުކާރުގެ ވައްޓާލުމުގެ ޤާބިލްކަން ލިބިފައިވަނީ ވެސް މިހާރު ސަރުކާރުގައި ތިއްބެވި ބޭފުޅުންނަށް ކަމަށް ވިލިފުށީ ދާއިރާގެ މަޖިލިސް މެންބަރު ރިޔާޒް ރަޝީދު ވިދާޅުވެއްޖެއެވެ.
ރިޔާޒް މިހެން ވިދާޅުވީ ޕީޕީއެމްގެ "ރުމާލު2" ޖަގަހައިގައި ރޭ ބޭއްވި ޖަލްސާގައި އިދިކޮޅު ފަރާތްތަކަށް ފާޑުވިދާޅުވެ ވާހަކަ ދައްކަވަމުންނެވެ.
ރިޔާޒް ވިދާޅުވި ގޮތުގައި ރައީސް އަބްދުﷲ ޔާމީންގެ ސަރުކާރުގެ އިސްވެރިންނަކީ އެއްވެސް ކަމަކަށް ބަލި ބައެއް ނޫން ކަމަށެވެ. އަދި ސަރުކާރުގެ ތެރޭގައި ތިއްބެވި ބޭފުޅުން ނުކުރައްވާކަމެއް އިދިކޮޅު ޕާޓީތަކުގައި ތިއްބެވި ބޭފުޅުން ނުކުރައްވާ ކަމަށް އޭނާ ވިދާޅުވިއެވެ.
މީގެ އިތުރުން ރިޔާޒް ވަނީ އިދިކޮޅު ފަރާތްތަކަށް ރައީސް ޔާމީންގެ ވެރިކަން ވައްޓާނުލެވޭނެ ކަމަށާއި އަދި އެމްޑީޕީގެ ވެރިކަމެއް މި ގައުމަށް އަތުވެއްޖެ ނަމަ އެ ވެރިކަން ވައްޓާލާނެ ކަމަށް ވިދާޅުވެފައެެވެ.