ހުކުރު ދުވަހު އިދިކޮޅު ފަރާތްތަކުން މުޅި ރާއްޖޭގައި ބޭއްވުމަށް ހަމަޖެހިފައިވާ ބޮޑު އެއްވުމަށް ތައްޔާރުވުމަށް ފޭދޫ އެމްޑީޕީ ގޮފީގެ ފަރާތުން ހަވީރު ސަޔެއް ބާއްވައިފިއެވެ.
އިއްޔެ ހަވީރު ފޭދޫ އެމްޑީޕީ އޮފީހުގައި ބޭއްވި ސައިގެ ސުޕްރީމް ކޯޓުން 1 ފެބްރުއަރީގައި ނެރުނު އަމުރު ތަންފީޒު ކުރުމަށް ގޮވާލައި ވަނީ އަޑުއުފުލާފައެވެ.
ފޭދޫ އެމްޑީޕީ އޮފީހުން ވާހަކަ ދެއްކި މީހަކު ބުނިގޮތުގައި މި ސަޔަކީ ހުކުރު ދުވަހުގެ ބޮޑު އެއްވުމަށް ފޭދޫ ގޮފިން ވޯމް އަޕް ކޮށްލަން ބާއްވާ ހަރަކާތެއް ކަމަށެވެ.
"މިއީ ހުކުރު ދުވަހުގެ އެއްވުމަށް ތައްޔާރުވުމަށް ބޭއްވި ހަރަކާތެއް. ވޯމްއަޕް މިކޮށްލަނީ، ހުރިހާ މެންބަރުން ވެސް ތިބީ ސާބިތުކަމާއި އެކު" ފޭދޫ އެމްޑީޕީ އޮފީހުން ވާހަކަ ދެއްކި މީހަކު ބުންޏެވެ.
މައުލޫމާތު ލިބިފައިވާ ގޮތުގައި ފޭދޫ އެމްޑީޕީ ގޮފިން ބޭއްވި ހަރަކާތް ހުއްޓުވުމަށް ފުލުހުން ހަރަކާތްތެރިވެފައެއް ނުވެއެވެ.