ރާއްޖޭގެ އިއްޒަތާއި ކަރާމާތް ނަގާލުމަށް މަސައްކަތް ކުރާ ފަރާތްތަކާއި މެދު ހަރުކަށި ފިޔަވަޅު އަޅާނެކަމަށް ސަރުކާރުން ހާމަކުރުމުން އެކަމަށް އައްޑޫ މީދޫ ދާއިރާގެ މަޖިލިސް މެންބަރު ފާޑު ވިދާޅުވެއްޖެއެވެ.
ރައީސް އޮފީހުން ނެރުނު ބަޔާނަށް ރައްދު ދެއްވައި ރޮޒެއިނާ ކުރެއްވި ޓްވީޓެއްގައި ވިދާޅުވެފައި ވަނީ ކައްޕި ވަރަށް ބޮޑަށް ރުޅި އައިސްފި ކަމަށާއި ގޯހެއް އެބައުޅޭ ކަމަށެވެ. އަދި މީގެ އިތުރުން "ބަސްޓް" ވީތޯ ވެސް ރޮޒެއިނާ ވަނީ ސުވާލު އުފައްދަވާފައެވެ.
އަންގާރަ ދުވަހުގެ ރޭ ޕީޕީއެމް އިން ބޭއްވި ޖަލްސާއެއްގައި ރައީސް ޔާމީން އެމަނިކުފާނަކީ "ކައްޕި" އެއް ކަމަށް ވިދާޅުވެ ވާހަކަ ދައްކަވާފައެވެ. އެ ޖަލްސާގައި ރައީސް ކައްޕީގެ ގޮތުގައި އެ ސިފަ ކުރެއްވީ ދައުލަތުގެ އެންމެ އިސްވެރިޔާއަށެވެ. ދިވެހި ދައުލަތުގެ އެންމެ އިސްވެރިޔާ އަކީ ރައީސުލްޖުމްހޫރިއްޔާއެވެ.
ބެލެވޭ ގޮތުގައި "ކައްޕި" އޭ ވިދާޅުވެ ރޮޒެއިނާގެ ފާޑުކިޔުންތައް އަމާޒު ކުރެއްވީ ރައީސް ޔާމީނަށެވެ.
Asthaa! Cappi varah bodah rulhi aissi! Eba ulhey goaheh! ? Bust veetha anekka? Mikan varah rangalhah investigate kuran eba jehey!
Dhaal me’ kuch kaal hai!?#MaldivesCrisis #StateOfEmergency https://t.co/MYBVi53cxW— MP Rozaina Adam ? (@Roxeyna) February 28, 2018