އަދާލަތު ޕާޓީގެ ރައީސް ޝެއިޚް އިމްރާން އަބްދުﷲ އަށް އެކަށީގެންވާ ބޭސްފަރުވާގެ ފުރުސަތު ފަހިކޮށްދީފައި ނުވާތީ އެކަމާއި މަޝްހޫރު ދީނީ ޢިލްމުވެރިޔާ ޑރ. އިޔާޟް އަބްދުއްލަތީފް ކަންބޮޑުވުން ފާޅުކުރައްވައިފިއެވެ.
ޑރ. އިޔާޟް ފޭސްބުކްގައި ކުރެއްވި ފޭސްބުކް ޕޯސްޓެއްގައި ވަނީ ޝެއިޚް އިމްރާންގެ ފުރާނައަށް ނުރައްކާ ކުރަނީ ވައްކަން ނުކުރުމަށާއި އަދުލުވެރިވުމަށް ވިދާޅުވުން ފިޔަވައި ކޮން ސަބަބަކާއި ހުރެތޯ މަޝްހޫރު ދީނީ ޢިލްމުވެރިޔާ ޑރ. އިޔާޟް އަބްދުއްލަތީފް ސުވާލު ކުރައްވައިފިއެވެ.
"ޝެއިޚް އިމްޜާން ހައްޔަރުކޮށްގެން ބޭސްފަރުވާއަށް ހުރަސް އަޅާ ފުރާނައަށް ނރައްކާ ތިކުރަނީ ހަމައެކަނި ވައްކަން ނުކުރާށޭ އަދުލުވެރިވާށޭ ބުނުން ފިޔަވައި އިތުރުކޮން ސަބަބަކާއި ހުރެ ހެއްޔެވެ؟"
އަދާލަތު ޕާޓީގެ މީޑީއާ ކޮމެޓީގެ ރައީސް އަލީ ނަޒީރު ވިދާޅުވެފައިވާ ގޮތުން މީގެ ކުރިން ވެސް ސީރިއަސް ސިއްހީ މައްސަލަތަކެއް ކުރިމަތިވެވަޑައިގެންފައިވާ އިމްރާންގެ ހާލަތު މިހާރު ވެސް ވަރަށް ބޮޑަށް ގޯސްވެފައިވާ ކަމަށެވެ.
"ލޭގެ ޕްރެޝަރާއި ހަކުރު ވެސް ހުންނަ އިރު، އެކަށީގެންވާ ސިއްޙީ ފަރުވާ ނުލިބުމަކީ އަޅުގަނޑުމެން ވަރަށް ކަންބޮޑުވާ މައްސަލައެއް. " އަދާލަތު ޕާޓީގެ މީޑީއާ ކޮމެޓީގެ ރައީސް އަލީ ނަޒީރު ވިދާޅުވެފައި ވެއެވެ.
ޑރ.އިޔާޒް ވިދާޅުވެފައި ވަނީ މަސްކެއުމަށްޓަކައި ގެންގުޅޭ ނައަމްސޫފިތަކާއި އެހެނިހެން ބޭނުންތަކަށް ގެންގުޅޭ ޖަނަވާރުތަކަށް ވެސް އޯގާތެރިވުމަށް އިސްލާމްދީނުގައި އަމުރުކުރައްވާ ކަމަށެވެ.