އެސްޓީއޯ މާލޭ ލީގުގައި ރޭ ވާދަވެރި ނިއުރޭޑިއަންޓާއި މާޒިޔާ ސްޕޯޓްސް އެންޑް ރެކްރިއޭޝަން ކުލަބު ބައްދަލުކުރި މެޗު ފޯރިގަދަ ކުޅުމަކަށް ފަހު ނިއު ކާމިޔާބުކޮށްފިއެވެ.
ދެޓީމުގެ ފަރާތުންވެސް އެހާމެ ވާދަވެރި ކުޅުމެއް ފެނިގެން ދިޔަ މިމެޗު ނިއު ކާމިޔާބުކުރީ 0-1 އިންނެވެ. މިލަނޑު ޓީމުގެ ކެޕްޓަން، އަލީ އަޝްފާގް(ދަގަނޑޭ) ޖަހާފައިވާއިރު އޭނާގެ ފަރާތުން ރަނގަޅު ކުޅުމެއް ފެނިގެން ގޮސްފައިވެއެވެ.
ފުރަތަމަ ހާފު ނިމުމުގެ ކުރިން ނިއުއަށް ލީޑު ނަގަން ލިބުނު ހުސް ފުރުސަތު ބޭކާރު ވެގެން ގޮސްފައިވާއިރު ދެވަނަ ހާފުގައި މާޒިޔާގެ ފަރާތުން ފެނިގެން ދިޔައީ މޮޅު ކުޅުމެކެވެ. ނަމަވެސް ރޭގެ މެޗުގައި މާޒިޔާ ޓީމުގެ ކުޅުންތެރިޔަކަށް ނިއުގެ ކީޕަރު ފޫއަޅުވާލާފައި ނުދެވުނެވެ.
މީގެ އިތުރުން މިމެޗުގައި ނިއުގެ ރިލްވާން ވަހީދު(ރިލޭ) އަށް ވަނީ ދެވަނަ ރީނދޫ ކާޑާއެކު ރަތް ކާޑު ދައްކާ ދަނޑުން ފޮނުވާލާފައެވެ.