މޯލްޑިވިއަން އައިޑޮލްގެ ތިން ވަނަ ސީޒަނުގައި ވާދަ ކުރާ އައްޑޫގެ ބައިވެރިންގެ ތެރެއިން ފޭދޫ އަޒަލް ޒާހިރު ރޭ ޕިއާނޯ ރައުންޑްގައި ދައްކައިލޮ ހުނަރާ އެކު، އޭނާ ޝޯގެ ގަދަ 12 އަށް ގެންދަން މިހާރު މިއޮތީ ވޯޓް ދިނުމުގެ ފުރުސަތު ހުޅުވާލެވިފަ އެވެ.
އާންމުންނަށް ވޯޓް ދިނުމުގެ ފުރުސަތު މިއަދު ހަވީރު 4:00 އާ ހަމައަށް ކުރިއަށް ދާނެ އެވެ.
މޯލްޑިވިއަން އައިޑޮލް ސީޒަން ތިނެއްގެ އައްޑޫ އޮޑިޝަނުން ހޮވާލެވި، އަޒަލް އޭނާގެ ލަވަކިޔުމުގެ ހުނަރު ދައްކައިލަމުން އަންނަ އިރު، އައްޑޫގެ ވީހާ ވެސް ގިނަ ބަޔަކު އޭނާ އަށް ވޯޓް ދީގެން ގަދަ 12 ގެންދިއުމަކީ އައްޑު އަށް ލިބޭނެ ފަހުރެއް ވެސް މެ އެވެ.
މީގެ ކުރީ ދެ ސީޒަންގައި ވެސް އަޒަލް ވަނީ ހުނަރު ދައްކައިފަ އެވެ. އެކަމަކު މިހާތަނަށް އޮތީ ގަދަ 12 އާ ހަމައަށް ދާނެ ފުރިސަތެއް އޭނާއަކަށް ނުލިބެ އެވެ. އެކަމަކު މި ފަހަރު އަޒަލް އަށް އެ ފުރުސަތު ހޯދައި ދިނުމަށް އާންމުންނަށް ވަރަށް ބޮޑު އެހީއެއް ދެވޭނެ އެވެ. ކުރަންވީ ކަމަކީ ވީހާ ވެސް ގިނައިން ވޯޓް ދިނުމެވެ.
މި ފަހަރުގެ ސީޒަންގައި އަޒަލްއާ އެކު އައްޑު އަށް ނިސްބަތް އެހެން ދެ ބައިވެެރިއަކު ވެސް އެބަ ތިއްބެވެ. އެއީ ދެ ފަހަރަށް ގޯލްޑެން މައިކް ހޯދި މަރަދޫ ސައިނާ މުހައްމަދު ރަޝީދާއި ހިތަދޫ ހަސަން ޝަހްދާނެވެ.
މި ބައިވެރިންގެ ހުށަހެޅުންތައް މިރޭގެ ޝޯ އިން ފެނިގެން ދާނެ އެވެ.