ރޯޒް އެވެ. އަހަރެންގެ ނަމަކީ ނަހުލާ އެވެ. އަހަރެންގެ މައްސަލައަކީ އަހަރެންގެ ލޯ ކައިރި އާދަޔާޙިލާފަށް ކަޅު ވަނީ އެވެ. މިކަމުގެ ހައްލެއް ބުނެދީ ބަލާށެވެ. އަހަރެންނަށް ފޯނުން ވެސް ރޯޒް ވަނީ ޖަވާބު ދީފަ އެވެ.
އެހެނަސް "އައްޑޫ ލައިވް" އަކީ މިހާރު ޒުވާން ވަރަށް ގިނަ ކުދިންގެ މަގުބޫލުކަން ލިބި އަދި ގިނަ ކުދިންގެ ހިތުން ޖާގަ ހޯދައިފައިވާ ނޫހެކެވެ. ވީމާ ރޯޒްގެ ޖަވާބު "އައްޑޫ ލައިވް" ގެ އެހީގައި ދިނުން އެދެމެވެ.
ނަހުލާ އެވެ. ނިދި ހަމަ ކުރާށެވެ. ކަންތަކާ ފިކުރު ބޮޑު ކުރުން ހުއްޓާލާށެވެ.
ފަރުވާ: ކިޔުކަންބާ އާއި ކެރެޓް ގިނައިން ބޭނުން ކުރާށެވެ. ރޭގަނޑު ނިދުމުގެ ކުރިން ސާފު ކިރު ފެނުން މޫނު ދޮންނާށެވެ. އަދި ކިއުކަންބާ ދެ އެތިކޮޅު ލޯމަތީ ބާއްވައިގެން 15 ވަރަކަށް މިނެޓް އޮންނާށެވެ.
އަދި ސާފު ފެނުން މޫނު ދޮވުމަށް ފަހު ކޮންމެވެސް ކޯލްޑް ކްރީމެއް އުނގުޅާލާފައި ނިދާށެވެ. އަދި ހަމަ އަށް ގަޑި އިރުގެ ނިދި ހަމަކުރާށެވެ.
އާދަވެ ހަފްތާއެއް ވަންދެން މިހެން ހެދިއްޖެ ނަމަ ގައިމު ވެސް ތަފާތު ފެންނާނެ އެވެ.