އިންތިޚާބަކުން ރައީސް ޔާމީން ބަލި ކުރުމުގެ އެއްވެސް ފުރުސަތެއް އިދިކޮޅު ފަރާތްތަކަށް ނެތް ކަމަށް ހައުސިން މިނިސްޓަރ ޑރ. މުހައްމަދު މުއިއްޒު ވިދާޅުވެއްޖެއެވެ.
ޕީޕީއެމްގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން މުއިއްޒު ވިދާޅުވީ، ރައީސް ޔާމީން ފަށާފައިވާ ތަރައްގީގެ މަސައްކަތްތަކެއް ކުރިއަށް ގޮސްފިނަމަ އިދކޮޅު ފަރާތްތަކަށް އިންތިޚާބަކުން އެމަނިކުފާނު ބަލިކުރުމުގެ ފުރުސަތެއް ނޯންނާނެ ކަމަށެވެ.
މުއިއްޒު ވިދާޅުވީ އިދިކޮޅު ފަރާތްތަކުން އަބަދުވެސް މަސައްކަތް ކުރަނީ ރައީސް ޔާމީން ގެނެސް ދެއްވާ ތަރައްގީގެ އެކި މަޝްރޫއުތައް ހުއްޓުވަން ކަމަށެވެ.
"އެމަނިކުފާނު ފަށައިފައިވާ ތަރައްގީގެ ހުރިހާ މަސައްކަތްތަކެއް ކުރިއަށް ގޮސްފިނަމަ އިދިކޮޅު ފަރާތްތަކަށް އެއްވެސް ފުރުސަތެއް ނޯންނާނެ އިންތިޚާބަކުން ރައީސް ޔާމީން ބަލިކޮށްފައި އެހެން ބޭފުޅަކު ހޮވާކަށް" މިނިސްޓަރ ވިދާޅުވިއެވެ.