މިއަދު އައްޑޫ ސިޓީ މީދޫގައި ހިނގި ނުރައްކާތެރި އެކްސިޑެންޓްގައި އަނިޔާވި މީހާ އިތުރު ފަރުވާއަށް ހިތަދޫ ރީޖަނަލް ހޮސްޕިޓަލަށް ގެނައި އިރު އެތަނުގައި ކަރަންޓު ނެތުމުގެ ސަބަބުން އޭނާއަށް ފަރުވާ ދިނުމުގައި ދަތިތަކާއި ކުރިމަތިލާން ޖެހިއްޖެއެވެ.
ހިތަދޫގެ ބައެއް ހިސާބުތަކުން ކަރަންޓު ކެނޑިފައި ވަނީ ހިތަދޫ ބޭރުމަތި ހިސާބުގައި އަލަށް ބެހެއްޓި ޓްރާންސްފޯމަރަށް މައްސަލަތަކެއް ޖެހުމުގެ ސަބަބުންނެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި މީދޫން އެކްސިޑެންޓްވި މީހާ ހިތަދޫ ހޮސްޕިޓަލަށް ގެނެސް ފަރުވާ ނުދެވި ބައި ގަޑިއިރު ހޭދަވިއެވެ.
ހިތަދޫ ހޮސްޕިޓަލުގައި ހުރި 'އައްޑޫލައިވް'ގެ ނޫސްވެރިޔާ މައުލޫމާތު ދޭ ގޮތުގައި މިހާރު ހޮސްޕިޓަލް ހުންނަ ހިސާބަށް ކަރަންޓުގެ ޚިދުމަތް ވަނީ ދީފައެވެ.