ކަރަންޓު އަގު ހެޔޮކުރިކަން ސަރުކާރުން އިއުލާންކުރި ނަމަވެސް އެ ބަދަލު ކަރަންޓް ބިލުތަކުން ނުފެންނާތީ އެކަމުގެ ޝަކުވާ އިތުރުވެފައިވާތީ އެކަމަށް ފެނަކައިން ރައްދު ދީފިއެވެ.
އިއްޔެ ބޭއްވި ނޫސްވެރިންގެ ބައްދަލުވުމެއްގައި ފެނަކައިގެ ޑެޕިއުޓީ ޑިރެކްޓަރ އަޙްމަދު ނަޖާހް ވިދާޅުވި ގޮތުގައި ކަރަންޓް ބިލް ބޮޑުވަނީ އާންމުކޮށްވެސް ކަރަންޓް ބޭނުންކުރެވޭ މިންވަރު އިތުރުވާތީ ކަމަށެވެ.
ނަޖާހު ވިދާޅުވި ގޮތުގައި ކޮންމެ އަހަރެއްގެ ވެސް މާޗް މަހާއި އެޕްރީލް މަހު ކަރަންޓު ބިލް ބޮޑުވެގެން ކަސްޓަމަރުންގެ ފަރާތުން ޝަކުވާ ލިބޭ ކަމަށެވެ. އޭނާ ވިދާޅުވީ، ކަރަންޓު ބިލް ބޮޑުވަނީ ހޫނު ގަދަވާ ދުވަސްވަރަކަށް ވުމުން ކަރަންޓު ބޭނުންކުރާ މިންވަރު އިތުރުވުމުން ކަމަށެވެ.
އެހެން ނަމަވެސް މިފަހަރު " ކިތަންމެހޫނު ކިތަންމެ މަތިވެގެން ދިޔަ ނަމަވެސް ކަސްޓަމަރުންގެ ބިލުން ކުޑަވުން ފެންނާނެ" ކަމަށް ނަޖާހު ވިދާޅުވިއެވެ.
ފެނަކައިން އަތޮޅުތަކުގައި ފެނުގެ ހިދުމަތްދޭ އަގުތައްވެސް މާލެއާ އެއްވަރަށް ކުޑަކޮށްފައި ވަނީ ފާއިތުވި ޖެނުއަރީ މަހުގެ ތެރޭގައެވެ.