އޭސީސީގެ ރައީސް ޙަސަން ލުތުފީ އަށް ބޮޑުބޭބެ ވިދާޅުވާ، ސިފައިންގެ އޮފިސަރަކު ހައްޔަރުކޮށްފައި ވާ ކަމުގެ އަޑުތައް ފެތުރިއްޖެއެވެ.
ސޯޝަލް މީޑިޔާގައި ދައުރުވަމުންދާ ފޮޓޯއަކުން އެނގޭ ގޮތުގައި ހައްޔަރުކޮށްފައި ވަނީ ކެޕްޓަން މުހައްމަދު ނިޔާޒެވެ.
ކެޕްޓަން ނިޔާޒް ހައްޔަރު ކުރުމާ ގުޅޭ ގޮތުން އެމްއެންޑީއެފްގެ ބަހެއް އަދި ލިބިފައެއް ނުވެއެވެ.
ނިޔާޒު ހައްޔަރުކުރި ކަމުގެ އަޑު ފެތުރިފައިވާ އިރު މިހަފްތާ ތަރޭގެ ބްރިގޭޑިއަރ ޖެނެރަލް ޒަކަރިއްޔާ މަންސޫރު ހައްޔަރު ކުރި ކަމަށް ކުރީގެ ރައީސް މުހައްމަދު ނަޝީދު ވިދާޅުވި ވާހަކަތައް އެމްއެންޑީއެފް އިން ވަނީ ދޮގުކޮށްފައެވެ.
ސިފައިންގެ ބައެއް ބޭފުޅުން ހައްޔަރު ކުރާ ކަމުގެ އަޑުގަދަ ވެފައިވަނީ ސިފައިންގެ ބައެއް އެސްޕީޖީންނާއި ފުލުހުން ތަކެއް ހައްޔަރު ކުރުމާއި ގުޅިގެންނެވެ.
މައުލޫމާތު ލިބިފައިވާ ގޮތުގައި އައްޑޫ ސިޓީ ހިތަދޫ ފުރާތު މުހައްމަދު ނިޔާޒަކީ 2016 ވަނަ އަހަރު ޗައިނާ އާރމީ އިންޖިނިއަރިން އެކަޑަމީން ހިންގި އިންޖިނިއަރ ބްރިޖިން ކޮމާންޑް ކޯހުން 1 ވަނަ ހާސިލް ކޮށްފައިވާ ބޭފުޅެކެވެ.