ބަރަބޯ ޕިރިނީ

* ބޭނުންވާ ތަކެތި:

3 ޖޯޑު ބަރަބޯ (ގާނާފައި)

1 ދަޅު ގެރި ކިރު

2 މޭޒުމަތީ ސަމުސާ ކޯން ފްލާ

1/2 ޖޯޑު ހިކި މޭބިސްކަދުރު

1/2 ޖޯޑި ކެށު ނަޓް (ކޮށާފައި)

3 މޭޒުމަތީ ސަމުސާ ހަކުރު

ވެނީލާ އެސެންސް (ރަހަދޭ ވަރަށް)

* ތައްޔާރު ކުރާނެ ގޮތް:

ތެއްޔަކަށް ފެންފޮދެއް އަޅާފައި ކައްކަން އުދާށެވެ. ފެން ކެކިގަތުމުން ބަރަބޯކޮޅު އަޅާފައި މަޑުވީމާ (މަޑު ކުރާނީ ޗަސްނުވާ ވަރަށް) ފެން ފުރާނާލާފައި ގެރި ކިރު، ހަކުރު، ކެޖޫނަޓް، ހިކި މޭބިސްކަދުރު އަޅާފައި ބޮލި ޖަހާ ވަރަށް ކެކެން ފެށުމުން ކޯން ފްލާކޮޅު އޮލަކޮށް ފެންފޮދެއްގައި ގިރާލުމަށް ފަހު އަޅާލާށެވެ.

މަޑި ގިނީގައި ދޭފަތުން ހަލަމުން ކައްކާށެވެ. ރޯ ފިލުމުން އެސެންސް އަޅާފައި އެއްކޮށްފައި އުނދުން މަތިން ބާލާށެވެ.

ނޯޓް: މިގޮތަށް ފަޅޯ، ފުފޫ، ކައްޓަލަ، އާފަލް ފަދަ ބާވަތްތަކުން ވެސް ޕިރިނީ ހެދި ދާނެ އެވެ.