އިއްޔެ އިން ފެށިގެން އައްޑޫ އަށް ކުރަމުން އަންނަ ވިއްސާރައިގެ ސަބަބުން އައްޑޫގެ ހުރިހާ އަވަށެއްގައި ފެންބޮޑުވެއްޖެއެވެ.
އައްޑޫއަށް މިހާރު ކުރަމުންދާ ވިއްސާރަ އާއި ގުޅިގެން މޫސުމާއި ބެހޭ އިދާރާއިން ވަނީ އައްޑޫއަށް ޔެލޯ އެލާޓް ވެސް ނެރެފައެވެ. މިއެލާޓުގެ މުއްދަތު ދީފައިވަނީ މިއަދުގެ ހެނދުނު 7:30 އަށެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި ބޯކޮށް ވާރޭ ވެހުމުގެ ސަބަބުން، ބައެއް ގެތަކަށް ވަނީ ފެން ވަދެފައެވެ.
ފެން ވަދެފައިވާ ގެތަކަށް އެހީތެރިކަން ފޯރުކޮށްދިނުމުގައި ސިފައިންނާއި ދަރުމަވެރިން ދަނީ ހަރަކާތްތެރިވަމުންނެވެ.
މީގެ އިތުރުން އައްޑޫގެ އަވަށްތަކުގެ މަގުތަކުގައި ފެންބޮޑުވުމުގެ ސަބަބުން ދުއްވާ އެއްޗިއްސަށާއި ހިނގައި އުޅޭ ފަރާތްތަކަށް ވެސް ވަނީ ބޮޑެތި ދަތިތަކާޢި ކުރިމަތިލާން ޖެހިފައެވެ.