ޕީޕީއެމްގެ ވައިބަރ ގްރޫޕު ތަކުގައި ދެކެވޭ ވާހަކަތަކުގެ ސްކްރީން ޝޮޓްތައް ލީކުކުރާ މައްސަލަ ތަހުގީގްކޮށް 38 ސޮފްހާގެ ރިޕޯޓެއް އެކުލަވާލައިފިއެވެ.
'އައްޑޫލައިވް' އަށް ކޮޕީއެއް ލިބިފައިވާ އެ ރިޕޯޓް އެކުލަވާލީ ސަރުކާރުގެ ވުޒާރާއެއްގައި ކޯޑިނޭޓަރެކެވެ. އޭނާގެ މައުލޫމާތު 'އައްޑޫލައިވް' އަށް އެނގުނު ނަމަވެސް އަބުރުގެ ޤާނޫނު އޮތްގޮތުން އެމައުލޫމާތު ހާމަކުރެވޭކަށް ނެތެވެ.
ޕީޕީއެމްގެ ސޯޝަލް މީޑިޔާ އެކްޓިވިސްޓުން ތިބޭ ވައިބަރ ގްރޫޕުގެ "ސިއްރުތައް" ބޭޒާރު ކުރާ ކަމުގެ ތުހުމަތުގައި ފޭދޫ އަށް ނިސްބަތްވާ އީނާ ނަސީރު ވަނީ އެ ގްރޫޕުން ބޭރުކުރިއެވެ.
#PPM viber group thakun leak vaa massala thahugeeg koh 38 sofhaage report eh thayyaaru koffi, adhives leak vaane! @muazhalym @EenInoo @ahmed_nihan pic.twitter.com/DlRPH70Mt7
— faraa farhaan (@faraa_farhaan) March 10, 2018
އެހެން ނަމަވެސް ސޯޝަލް މީޑިޔާގައި އާންމުވެފައިވާ 'ތަހުގީގް ރިޕޯޓް'ގައި ވަނީ އީނާ "އަމިއްލަ އަށް ކަތިލެވުނު" ކަމަށް ޓަކައި ޝުކުރު އަދާކޮށްފައެވެ. އަދި އީނާ ގްރޫޕުން ބޭރުކުރީ "ސަސްޕެކްޓް" އަކީ ކާކުކަން އެނގިގެން ކަމަށް ބުނެފައި ވެއެވެ.
38 ސޮފްހާގެ ރިޕޯޓުގައި ވައިބަރ ގްރޫޕުގެ މެސެޖްތައް ލީކުކުރާ ފަރާތް އެނގުނު ކަމަށް ބުނެފައިވީ ނަމަވެސް އެ މީހަކާއި މެދު ފިޔަވަޅު ނާޅާނެ ކަމަށް ވަނީ ބުނެފައެވެ.