ދިވެހިރާއްޖޭގައި ތިއްބެވި ފުންނާބު އުސް ވަކީލުންގެ މުސީބާތް ބޮޑުވެއްޖެ ކަމަށް މަޖިލީހުގެ ނައިބު ރައީސް ރީކޯ މޫސާ މަނިކު ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ވަކީލުންނަކީ މުސީބާތެއް ކަން ފާހަގަކުރައްވައި ވާހަކަދައްކަވަމުން މޫސަ ވިދާޅުވީ ގާނޫނުތަކަށް އިސްލާހު ގެންނަންވީ ގޮތް ގާނޫނީ ވަކީލުންނަށް ނޭނގޭނެ ކަމަށެވެ.
"މިއަދު އެބަތިބި ފުންނާބު އުސް ލޯޔަރުން. މި މީހުންގެ މުސީބާތް ވެސް ބޮޑުވެއްޖެ." – ރީކޯ މޫސަ
ވަކީލުންނަކީ މުސީބާތެއްގެ ގޮތުގައި މޫސަ ވިދާޅުވީ، ޕީޕީއެމްގެ ފަރާތުން ފަނޑިޔާރުންގެ ޤާނޫނޫނަށް އިސްލާޙު ގެންނަން އުޅޭތީ އެކަމަށް ފާޑުވިދާޅުވަމުން ގެންދަވާތީއެވެ. ރާއްޖޭގައި ތިއްބެވި ފުންނާބު އުސް ޤާނޫނީ ވަކީލުން ވިދާޅުވާ ގޮތުގައި ގާނޫނު އަސާސީއާއި ހިލާފަށް މަޖިލީހުން ގާނޫނު ނެހެދޭނެ އެވެ.
ވަކީލުންގެ އެވާހަކަތަކަށް ރައްދު ދެއްވައި މޫސަ ވިދާޅުވީ، މަޖިލީހުގެ މެމްބަރުން ވޯޓު ދީފިނަމަ، ގާނޫނުތައް ހެދޭނެ ކަަމަށާއި ގާނޫނުތައް ހަދާނެ ކަމަށެވެ.