ކުއްލި ނުރައްކަލުގެ ހާލަތުގެ ޤަރާރުގެ ދަށުން ކަމަށް ބުނެ ފުލުހުންގެ ބެލުމުގެ ދަށަށް ގެންގޮސްފައިވާ ރައްޔިތުންގެ މަޖިލީހުގެ ބައެއް މެންބަރުން މިރޭގެ ވަގުތެއްގައި މިނިވަން ކުރާނެ ކަން އިތުބާރު ހުރި ގޮތެއްގައި 'އައްޑޫލައިވް' އަށް އެނގިއްޖެއެވެ.
މައުލޫމާތު ލިބިފައިވާ ގޮތުގައި މިރޭ މިނިވަން ކުރާ މެންބަރުންގެ ތެރޭގައި ރޭ ހައްޔަރުކުރި މަޖިލިސް މެންބަރުން ވެސް ހިމެނެއެވެ. އޭގެ ތެރޭގައި ކެންދޫ ދާއިރާގެ މެންބަރު އަލީ ޙުސައިން، މަޑުއްވަރީ ދާއިރާގެ މެންބަރު އަމީތު އަދި މެންބަރު މާރިޔާ ހިމެނިވަޑައިގަންނަވައެވެ.
އެ މެންބަރުން މިނިވަން ކުރަނީ ކޮން ސަބަބަކާއި ހުރެ ކަން އަދި ސާފެއް ނުވެއެވެ. އެހެން ނަމަވެސް މެންބަރުން ބަންދުން ދޫކޮށްލުމަށް ކުރަން ޖެހޭ މަސައްކަތް ފުލުހުން މިހާރު ދަނީ ކުރަމުންނެވެ.