އިދިކޮޅު ފަރާތްތަކުން ވެރިރަށް މާލޭގައި ހުކުރު ދުވަހު ބާއްވާ މުޒާހަރާގައި ގުޅޭނެ ކަމަށް ބުނެ ފުލުހުންގެ ޔުނިފޯމުގައި ތިބި ބަޔަކު ސަރުކާރަށް އިންޒާރު ދީފިއެވެ.
ފުލުހުންގެ އޮޕަރޭޝަނަލް ޔުނިފޯމްގައި ތިބި ބަޔަކު ސަރުކާރަށް އިންޒާރުދީ ވީޑިއޯ އެއް އާއްމުކޮށްފައި ސްޕެޝަލިސްޓް އޮޕަރޭޝަން (އެސްއޯ) ފުލުހުންގެ ޔުނިފޯމްގައި ތިބި ބަޔަކު އިންޒާރު ދީ ވީޑިއޯއެއް އާންމުކުރިތާ 48 ގަޑިއިރު ނުވަނީހެވެ.
މިފަހަރު އާއްމުކޮށްފައިވާ 41 ސިކުންތުގެ ވީޑިއޯގައި ބުނެފައި ވަނީ މިއަދު މާލޭގައި ބާއްވާ މުޒާހަރާގެ ވަކި ހިސާބަކުން، ފުލުހުން މުޒާހަރާގެ ބައިވެރިންނާ ގުޅޭނެ ކަމަށާއި އޮޕަރޭޝަނަލް ޓީމުން ތިބޭނީ އެސްއޯ ފުލުހުންނާއެކުގައި ކަމަށެވެ.
މީގެ ކުރިން އެސްއޯ ފުލުހުންގެ ޔުނިފޯމުގައި ތިބި ބަޔަކު އާއްމުކުރި ވީޑިއޯގައި ބުނެފައި ވަނީ މިއީ ސަރުކާރަށް ދޭ "އެންމެ ފަހުގެ އިންޒާރު" ކަމަށެވެ.
ފުލުހުންގެ ޔުނިފޯމުގައި ތިބި ބަޔަކު ސަރުކާރަށް އިންޒާރުދީ ވީޑިއޯތައް ނެރެމުންދާއިރު މި ވީޑިއޯ ތަކުން ފެންނަނީ ފުލުހުންކަން ކަށަވަރެއް ނުވެ އެވެ.
ޔޫޓިއުބްގައި އެންމެ ފުރަތަމަ އަޕްލޯޑްކޮށްފައިވާ އެސްއޯ ފުލުހުންގެ ޔުނިފޯމުގައި ތިބި ބަޔަކު ފެންނަ ވީޑިއޯގައި އިންޒާރު ދިނީ، ފުލުހުންތޯ ތަހުގީގު ކުރަމުން އަންނަ ކަމަށް ވެސް ފުލުހުން ވަނީ މީގެ ކުރިން ބުނެފައެވެ.