ރައީސް އަބްދުﷲ ޔާމީން "ހުއްޓުވުމަށް" އިދިކޮޅު ފަރާތްތަކުން އިންތިޒާމް ކޮށްގެން އައްޑޫގައި ބާއްވާ އެއްވުން މަރަދޫ ބަނދަރު ސަރަހައްދުގައި ބޭއްވުމަށް ނިންމައިފިއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި، މި އެއްވުން ފެށުމަށް ހަމަޖެހިފައިވަނީ މިއަދު ހަވީރު 4 ޖަހާއިރު އެވެ.
މި އެއްވުމުގައި އައްޑޫގެ ގުޅިފައިވާ އަވަށްތަކުގެ ރައްޔިތުން ބައިވެރިވާނެ ކަމަށް މައުލޫމާތު ލިބެއެވެ.
އިދިކޮޅު ފަރާތްތަކުން އައްޑޫގައި އެއްވުމެއް ބޭއްވުމަށް ތައްޔާރުވަމުން އަންނައިރު ލިންކް ރޯޑުގެ އެކި ހިސާބުތަކުގައި ފުލުހުން މިހާރު ވެސް ދަނީ ހަރަކާތްތެރި ވަމުންނެވެ.