މިއަދު ވެސް ރައީސް އަބްދުﷲ ޔާމީނާއި ދެކޮޅަށް އައްޑޫ ސިޓީގައި ގިނަ ބަޔަކު އަޑު އުފުލައިފިއެވެ.
އިދިކޮޅު ފަރާތްތަކަށް ތާއީދުކުރާ ގިނަ އަދަދެއްގެ ރައްޔިތުން މިއަދު ހަވީރު އެއްވީ މަރަދޫ ބަނދަރު ސަރަހައްދަށެވެ. އެ ސަރަހައްދަށް އެއްވުމަށް ފަހު އިހްތިޖާޖު ކުރިއަށް ގެންދިޔައީ ހިނގާލުމެއްގެ ގޮތުގައެވެ.
އެގޮތުން ހިނގާލުން މަރަދޫ ބަނދަރު ސަރަހައްދުން ފެށިގޮތަށް މަރަދޫފޭދޫ އާއި ހަމައަށް ދިއުމަށް ފަހު އެނބުރި އައިސް މަރަދޫ ބަނދަރަށެވެ.
ހިނގާލުމުގެ ބައިވެރިން ގޮވާލަމުން ދިޔައީ ރައީސް ޔާމީންގެ އިސްތިއުފާ އަށާއި 1 ފެބްރުއަރީގައި ސުޕްރީމް ކޯޓުން ނެރުނު އަމުރު ތަންފީޒު ކުރުމަށެވެ.
އައްޑޫގެ ގުޅިފައިވާ އަވަށްތަކުން ރައްޔިތުން ބައިވެރިވި މި ހިނގާލުން ކުރިއަށް ގެންދިޔައިރު އެއްވެސް ކަހަލަ ހަމަނުޖެހުމެއް ހިނގާފައި ނުވާކަން ފާހަގަކޮށްލެވެއެވެ.