އިދިކޮޅު ފަރާތްތަކުން މިރޭ މާލޭގައި ބޮޑު މުޒާހަރާއެއް ބާއްވަން ނިންމާފައި ވާއިރު، ވެރިކަން ކުރާ ޕީޕީއެމްގެ ފަރާތުން ފުލުފުލުގައި ނޫސް ކޮންފަރެންސްތައް ބޭއްވާނެ ކަން އެ ޕާޓީން ހާމަކޮށްފިއެވެ.
ޕީޕީޢެމް އިން ބުނެފައިވާ ގޮތުގައި މިރޭ 9 އިން ފެށިގެން ހަތަރު ޕްރެސް ކޮންފަރެންސެއް އެ ޕާޓީން ބާއްވާނެއެވެ.
ކުއްލި ނުރައްކަލުގެ ހާލަތު އިއުލާންކުރި ފަހުން ޕީޕީއެމް އިން ބައެއް ފަހަރަށް ދުވާލަކު 3 ފަހަރު ވެސް ނޫސް ކޮންފަރެންސްތައް ބާއްވައެވެ. އެހެން ނަމަވެސް މިއީ އެއް ރެޔަކު މިހާ ގިނައިން އެ ޕާޓީން ނޫސްވެރިންގެ ބައްދަލުވުމެއް ބާއްވާ ފުރަތަމަ ފަހަރެވެ.
މިކަމާއި ގުޅިގެން ސޯޝަލް މީޑިޔާގައި ގިނަ ބަޔަކު ބުނަމުން ގެންދަނީ، ޕީޕީއެމުން ނޫސްވެރިންގެ ބައްދަލުވުންތައް ބާއްވަމުން ދަނީ ސަރުކާރު ވެއްޓިދާނެތީ ބިރުން ކަމަށެވެ.