ކުއްލި ނުރައްކަލުގެ ހާލަތުގެ ދަށުންހައްޔަރުކޮށްފައިވާ ގަލޮޅު ދެކުނު ދާއިރާގެ މެންބަރު އަހުމަދު މަހުލޫފް މިރޭ ކޯޓަށް ހާޒިރުކުރަން ނިންމައިފިއެވެ.
މައުލޫމާތު ލިބިފައިވާ ގޮތުގައި މަހްލޫފް ކޯޓަށް ހާޒިރު ކުރަނީ، މިރޭ 8:00 އަށެވެ. އެހެން ނަމަވެސް މަހްލޫފް ހާޒިރުކުރަނީ ކޮން މައްސަލައަކާއި ގުޅިގެން ކަމެއް ނޭނގެއެވެ.
މަހުލޫފް ހައްޔަރުކޮށްފައިވަނީ އިދިކޮޅު ފަރާތްތަކުގެ ސިޔާސީ ހަރަކާތްތަކުގެ ތެރެއިން ފެބްރުއަރީ މަހުގެ 22 ވަނަ ދުވަހުގެ ރެއެވެ.
މަހްލޫފްގެ އަނބިކަނބަލުންނާއި ހަވާލާދީ ބައެއް މީޑިޔާތަކުގައި ރިޕޯޓްކޮށްފައިވާ ގޮތުގައި މަހުލޫފް މިރޭ ކޯޓަށް ހާޒިރުކުރުމަށް ނިންމާ އެކަން ގާނޫނީ ވަކީލުންނާއި އާއިލާއަށްވެސް އަންގާފައިވާކަމަށެވެ.