"ބަޣާވާތް"ކޮށްގެން ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މައްޗަށް، ދައުވާ އުފުލައި، ކްރިމިނަލް ކޯޓަށް ފޮނުވައިފި އެވެ.
މި ތިން ބޭފުޅުން މައްޗަށް ދައުވާ އުފުލައި ކޯޓަށް މައްސަލަ ފޮނުވާފައިވީ ނަމަވެސް އެއީ ކޮން ދައުވާތަކެއް ކަން އަދި ވަނީ ސާފުވާގޮތް ނުވެފައެވެ.
މީގެ އިތުރުން ކުއްލި ނުރައްކަލުގެ ހާލަތުގެ ޤަރާރުގެ ދަށުން ހައްޔަރުކޮށްފައިވާ ޖުޑިޝަލް އެޑްމިނިސްޓްރޭޓާ ހަސަން ސައީދުގެ މައްޗަށް ވެސް ދައުވާ އުފުލައި މިހާރު ވަނީ ކްރިމިނަލް ކޯޓަށް ފޮނުވާފައެވެ.
ފުލުހުން މީގެ ކުރިން ބުނެފައިވާ ގޮތުގައި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު އަދި ޖުޑީޝަލް އެޑްމިނިސްޓްރޭޓަރު ހަސަން ސައީދު ވަނީ "ރިޝްވަތުގެ" ގޮތުގައި އެތައް މިލިއަން ރުފިޔާއެެއް ނަންގަވާފައެވެ.