ބޮކްސާގެ ތެރޭގައި ވަޅިއެއް ގެންގުޅުނު މީހަކު 6 މަސް ދުވަހަށް ޖަލަށް ލުމަށް ކްރިމިނަލް ކޯޓުން ހުކުމްކޮށްފިއެވެ.
ފުލުހުންގެ ބެލުމުގެ ދަށަށް ގެންގޮސް ބަލައި ފާސްކުރުމުން ބޮކްސާގެ ތެރެއިން ވަޅިއެއް ފެނިގެން ޖަލަށް ލުމަށް ހުކުމްކޮށްފައި ވަނީ ގދ.ތިނަދޫ/އަބްހަރީއާގެ، ޢަނާން މުޙައްމަދެވެ.
ޢަނާން މުހައްމަދުގެ ބޮކްސާގެ ތެރެއިން ވަޅިއެއް ފެނުމާއި ގުޅިގެން އޭނާގެ މައްޗަށް ދައުލަތުން އުފުލާފައި ވަނީ، މަޤްބޫލު ސަބަބެއްނެތި އާއްމު ތަނެއްގައި ތޫނު އެއްޗެއް ގެންގުޅުމުގެ ކުށުގެ ދައުވާއެވެ.
ކްރިމިނަލް ކޯޓުން މާޗް މަހުގެ 7 ވަނަ ދުވަހު ކުރި ޙުކުމްގައި ބުނެފައިވާ ގޮތުގައި ޢަނާން މުހައްމަދު ވަނީ އިބްތިދާއީ މަރުޙަލާ އާއި ޝަރީޢަތުގެ މަޖިލީހުގައި ވެސް ކުށަށް އިއުތިރާފް ވެފައެވެ.