ދޫނިދޫ ގޮޅިއެއްގެ ޓިނުގަނޑެއް ނައްޓައިގެން ފިލި މީހަކު ޖަލަށް ލުމަށް ކްރިމިނަލް ކޯޓުން ހުކުމްކޮށްފިއެވެ.
ގޮޅީގައި ބަންދުކޮށްފައި ހުއްޓައި ފިލައިގެން 7 މަހާއި 6 ދުވަހަށް ޖަލަށް ލުމަށް ހުކުމް އިއްވާފައި ވަނީ ގއ. ކަނޑުހުޅުދޫ/އާޒާދުގެ، ޖިނާހު އިސްމާއީލްގެ މައްޗަށެވެ.
ކްރިމިނަލް ކޯޓުގެ ހުކުމްގައި ބުނެފައިވާ ގޮތުން ޖިނާހުގެ މައްޗަށް ދައުވާ އުފުލީ ދޫނިދޫ ކަސްޓޑިއަލް އެރައިވަލް ގޮޅީގައި ބަންދުކޮށްފައި ހުއްޓާާ އެ ގޮޅީގެ މަތީގައި ޖަހާފައި ހުރި ޓިނުގަނޑެއް ފޭކުރުމަށްފަހު އެ ގޮޅިން ނިކުމެ ފިލާފައިވާ ކަމަށް ބުނެއެވެ.
ޖިނާހުގެ މައްޗަށް ދައުލަތުން އުފުލާފައި ވަނީ ޖިނާއީ ބަންދަކުން ފިލުމުގެ ދައުވާއެވެ. އެ ދައުވާ އޭނާގެ މައްޗަށް ސާބިތުވާ ކަމަށް ކަނޑައަޅާފައި ވަނީ ޝަރީޢަތުގެ މަޖިލީހުގައި އޭނާގެ އިއުތިރާފްގެ މައްޗަށް ބިނާކޮށެވެ.